Cueur, qu'est-ce là

Cueur, qu'est-ce là?


Cueur, qu'est-ce là? - Ce sommes-nous voz yeux.

- Qu'apportez-vous? - Grant foison de nouvelles.

- Quelles sont-ilz - Amoureuses et belles.

- Je n'en vueil point voire, non se m'aist Dieux!


Dont venez-vous? - De plusieurs plaisans lieux.

- Et qui a-il? - Bon marchié de querelles:

- Cueur, qu'est-ce là? - Ce sommes-nous voz yeux.

- Qu'apportez-vous? - Grant foison de nouvelles.


C'est pour jeunes. - Aussi est-ce pour vieulx?

- Trop sont vieulx soubz pieçà n'en estre telles?

Si ay, si ay; - Aumoins escoutez d'elles.

- Paix! je m'endors, - Non ferez pour le mieulx:

Cueur, qu'est-ce là? - Ce sommes-nous voz yeux.


Charles D'Orléans .