Rondeau (Contre la Bohême)

Rondeau (Contre la Bohême)

Rondeau (Contre la Bohême)



Poulz, puces, puour et pourceaulx

Est de Behaingne la nature,

Pain, poisson salle et froidure,



Poivre noir, choulz pourriz, poreaulx,

Char enfumée, noire et dure;

Poulz, puces, puour et pourceaulx.



Vint gens mangier en deux plateaux.

Boire servoise amere et sure,

Mal couchier, noir, paille et ordure,

Poulz, puces, puour et pourceaulx

Est de Behaingne la nature.

Pain, poisson salle et froidure.


Eustache Deschamps .