Les fourriers d'Esté sont venus.

Les fourriers d'Esté sont venus.


Les fourriers d'Esté sont venus

Pour appareillier son logis,

Et ont fait tendre ses tappis,

De fleurs et verdure tissus:


En estendant tappis velus

De vert herbe par le pais.

Les fourriers d'Esté sont venus

Pour appareillier son logis.


Cueurs d'ennuy pieca morfondus,

Dieu mercy, sont sains et jolis;

Alez vous en, prenez pais,

Yver, vous ne demourerez plus.

Les fourriers d'Esté sont venus.


Charles D'Orléans .