Donnez l'aumosne aux prisonniers

Donnez l'aumosne aux prisonniers


Donnez l'aumosne aux prisonniers

Reconfort et Espoir aussi;

Tant feray au jaulier Soussi

Qu'il leur portera voulentiers.


Ilz n'ont ne vivres ne deniers,

Crians de fain, il est ainsi;

Donnez l'aumosne aux prisonniers

Reconfort et Espoir aussi.


Meschans ont esté mesnagiers,

Tenuz pour debte jusques cy;

Faictes les euvres de mercy,

Comme vous estes coustumiers;

Donnes l'aumosne aux prisonniers.



Charles D'Orléans .